Hamiləlik zəhərlənməsi, Preeklampsi nədir?

Hamiləlik zəhərlənməsi, tibb elmində preeklampsi olaraq da bilinir, hamiləliyin 20 həftəsindən sonra ortaya çıxan və ana, uşağa mənfi təsir göstərə biləcək tibbi vəziyyətdir. Preeklampsi, ana namizədində yüksək təzyiq, böyrək funksiyalarında pozulma və vücudda müəyyən orqanlarda funksiya pozğunluqları kimi əlamətlərlə özünü göstərir.

Hamilelik.az xəbər verir ki, preeklampsinin dəqiq səbəbi tam olaraq bilinmir, ancaq plasentanın damarında bəzi dəyişiklikləri və ananın immun sistemi reaksiyasındakı anormallıqların rol oynadığı düşünülür. Preeklampsi həmçinin genetik və həyat tərzi faktorlardan təsirlənə bilər.

Bu, ciddi vəziyyətdir və ana, uşaq həyatını təhlükəyə ata bilər. Erkən diaqnoz və müalicə vacibdir. Müalicə, uşağın doğuşunun planlanması və ana üçün təzyiqi tənzimləyən dərmanlar, dincəlmə və digər dəstəkləyici tədbirləri təşkil edir.

Hamiləlik zəhərlənməsinin əlamətləri:

Yüksək təzyiq: Hamiləliyin ikinci yarısında anidən yüksək təzyiq yarana bilər. Təzyiq normal dəyərlərin üzərinə çıxa bilər.

Böyrək funksiyalarında dəyişikliklər səbəbiylə sidikdə protein görülə bilər. Sidik analizi nəticəsində proteinüri diaqnozu qoyulur.

Vücudda maye tutulması (ödəm): Adətən əllər, ayaqlar, üz və ayaqlarda şişliklər yarana bilər.

Baş ağrısı: Şiddətli və müntəzəm baş ağrıları hiss edilə bilər.

Görmə pozğunluqları: Bulanıq görmə kimi problemlər yaşana bilər.

Qarın ağrısı: Xüsusillə sağ üst qismdə və ya qarın ortasında şiddətli ağrılar ola bilər.

Nəfəs darlığı: Ağciyərdə maye toplanmasına bağlı nəfəs almaqda çətinlik çəkilə bilər.

Qaraciyər funksiyalarında pozğunluqlar: Qan analizllərində qaraciyər funksiyalarındakı anormallıqlar görülə bilər.

Sürətli kökəlmə: Sürətli və gözlənmədik ola bilər.
Qanaxma problemləri: Nadirən bu, qanaxmalara yol aça bilər.

Bu əlamətlər hamiləliyin irəliləyən mərhələlərində daha da pisləşə bilər və ciddi problemlər yarada bilər.

Hamiləlik zəhərlənməsi nə üçün olur?

Plasental faktorlar

İmmun sisteminin reaksiyaları

Qan damarlarında anormallıqlar

İlk hamiləlik

Piylənmə

Genetik faktorlar

Hamiləlik zəhərlənməsi necə aşkar edilir?

Hamiləlik zəhərlənməsi, hamilə qadınların müntəzəm prenatal yoxlamaları sırasında və ya əlamətlər ortaya çıxdığında sağlamlıq mütəxəssisləri tərəfindən diaqnozu qoyulur. Diaqnozda müxtəlif testlər və müayinələrdən istifadə edilir. Həkimlər, xəstənin simptomlarına, təzyiq ölçmələrinə və sidik analizlərinə əsaslanaraq diaqnoz qoyarlar. Diaqnoz üçün istifadə edilən üsullar bunlardır:

Təzyiqin yoxlanılması: Diaqnozun əsas təməl addımıdır. Yüksək təzyiq əsas əlamətlərdəndir.

Sidik analizi: Sidikdə proteinüri adlanan vəziyyət digər əsas əlamətlərdən hesab edilir. Həkim, sidikdəki protein səviyyələrini yoxlamaq üçün sidik nümunəsi ala bilər.

Qan analizləri: Qan testləri, qaraciyər funksiyaları kimi müəyyən parametrləri dəyərləndirmək üçün istifadə edilir.

USM: Uşağın böyüklüyünü, inkişaf, plasentanın vəziyyəti haqqında məlumat almaq üçün istifadə edilir.

Hamiləlik zəhərlənməsinin risk faktorları nələrdir?

İlk hamiləlik

Ailəsində bu problem olanlar

40 yaşın üzərində və ya 18 yaşın altında hamilə qalmaq
Əksər hamiləliklər

Piylənmə

Diabet

Yüksək təzyiq və ya böyrək xəstəliyi

Yanlış qidalanma.

Hamiləlik zəhərlənməsində doğuş nə zaman gerçəkləşir?

Preeklampsi diaqnozu qoyulmuş hamilə bir qadında, doğuşun baş verməsi əksər zaman xəstəliyin şiddətinə, uşağın vəziyyətinə və ananın ümumi sağlamlıq vəziyyətinə bağlıdır. Əgər yüngül səviyyədə və nəzarət altındadırsa, həkimlər doğuşu bir müddət daha gecikdirə billər. Ana və uşaq müntəzəm olaraq müayinələrdən keçilərək nəzarətdə saxlanılır.