Yalançı hamiləlik

Yalançı hamiləlik, psixoloji hamiləlik olaraq da adlandırıla bilir. Çünki bu vəziyyət, psixoloji bir pozğunluğun fiziki reaksiyası olaraq açıqlanır.

Hamilelik.az xəbər verir ki, yalançı hamiləlik vəziyyətində, qadında hamilləlik olmadığı halda vücudunda gerçək bir hamiləliyi təqlid edən əlamətlər görülə bilər. Müxtəlif xəstəliklər və ya psixoloji narahatlıqlar qadında özünü hamilə kimi düşünməyə vadar edər və bunun nəticəsində yalançı hamiləlik ortaya çıxar.

Yalançı hamiləliyin əlamətləri nələrdir?

Əlamətləri, normal bir hamiləlikdə görülən əlamətlər ilə eynidir. Bu səbəbdən şəxs özünü gerçəkdən hamilə olduğuna inandırır. Qadının qarnı və süd vəziləri böyüyə bilir, menstruasiyası kəsilə bilər, süd vəzisindən süd gələ bilər, bulantı və qusma görülə bilər. Bağırsaq hərəkətləri qarındakı uşağın hərəkəti kimi hiss edilərkən yüksələn təzyiq isə uşağın ürək döyüntüləri kimi hiss edilə bilər. Eyni formada qarın ağrısı, doğuş sancısı kimi qəbul edilə bilər. Hətta bu halı yaşayan bəzi qadınlar USM əsnasında uşağın göründüyünü iddia edə bilər.
Yalançı hamiləlik nə üçün olur?

Hamiləliyin çox istənilməsi

Hamilə qalma ehtimalının olması

Ətrafın təzyiq təsiri ilə uşaq istəyi

Hamilə qalınmaması

Uşaqlığın alınmış olması

Hamiləlik itkiləri

Hamilə qalmaqdan qorxan qadınlarda da görülə bilər.

Əgər yalançı hamiləlik probleminin altında yatan depressiya kimi psixoloji bir xəstəlik varsa şəxsin professional dəstək alması gərəklidir. Mərkəzi sinir sistemi və ya endokrin sistemi ilə bağlı problemlər varsa müalicə edilməsi ya da şəxsdəki bu vəziyyətin hansı səbəbdən qaynaqlandığının həll edilməsi gərəklidir.

Yalançı hamiləlik necə anlaşılır?
Yalançı hamiləlik yaşayan qadınlar, hamiləlikdə görülən əlamətlər ilə qadın xəstəlikləri və ginekoloqa müraciət edirlər. Yalançı hamiləliyin diaqnozunu qoya bilmək üçün hamiləlikdə edilən testlərin eynisi edilir. Həkim tərəfindən öncəliklə pelvik müayinə, fiziki müayinə edilir. Sonra sidik analizi, USM istənilə bilər.

Yalançı hamiləliyin müalicəsi

Müalicədə ginekoloq və psixiatrın birlikdə çalışması yaxşı nəticələr verə bilər. Belə şəxslərə həssas yanaşılmalıdır. Müalicədə psixoterapiyadan da istifadə edilə bilər. Ehtiyac olarsa dərmanlardan da istifadə edilə bilər.