Hamiləlik hesablaması

Hamilə olduğunuzu öyrəndiyiniz an başlayan həyəcanınızdan dərhal sonra öyrənmə prosesi başlayar. Təxminən 9 ay 10 gün davam edəcək müddətdə sizin və uşağınızın nələr yaşayacağı haqqında düşünmək tam təbii haqqınızdır.

Hamiləlik hesablaması necə edilir?

Hamilelik.az xəbər verir ki, mütəxəssislər hamiləlik hesablaması edərkən, düşünülənin əksinə döllənmə tarixini qeydə almazlar. Hesablamada münasibət, yəni döllənmə tarixi deyil, son görülən adətin ilk günü istifadə edilir. Çünki son cinsi münasibət tarixi, hamiləlik hesablaması ilə bağlı doğru məlumatı verməyə bilər. Əksər ana namizədi cinsi münasibət tarixini tam olaraq bilməyə bilər və ya hər qadında yumurtlama menstrual döngə eyni gündə olmaya bilər.

Bu səbəbdən son cinsi münasibət tarixinə yəni döllənmə tarixinə görə, hamiləliyi hesablamaq, qadın həkimləri tərəfindən tövsiyə edilən bir üsul deyildir.
Bəs hamiləlik həftəsi ən doğru necə hesablanır?

Hamiləlik hesablama prosedurunda əhəmiyyətli olan, son menstrual tarixinin başlanğıc günüdür. Adət gününə görə, hamiləlik hesablaması, ana namizədləri üçün doğuş tarixi mövzusunda daha doğru məlumat verər. Yəni neçə həftəlik hamilə olduğunuzu və uşağınızın doğulacağı tarixi öyrənmək üçün son reql zamanınızın ilk gününə diqqət etməlisiniz.

Doğuş zamanı necə təxmin edilir?

Hamilləlik hesablaması edilərkən ehtiyac duyulan məlumat, son adət tarixinin gün və ay məlumatlarıdır. Təxmini doğuş tarixini hesablamaq üçün son menstrual tarixindən 3 ay geriyə getmək və 7 gün əlavə etmək yetərli olacaqdır. Adət gününə görə, son menstrual tarixinin ilk günü 10 sentyabr olan ana namizədi, sentyabr ayından 3 ay geriyə gedərək iyun ayına çatır. 10 sayısına 7 əlavə edilər. 10+7=17 nəticəsində doğuş edəcəyi tarixi göstərir. Yəni 17 iyun ananın doğuş edəcəyi gündür. Bu proseduru hamiləlik həftəsi hesablama vasitəsi ilə də edə bilərsiniz. Ancaq bu məlumatlar tam dəqiqliyi əks etdirmir. Hamiləlik həftəsi hesablaması hamiləlik ayı hesablamasına görə çox daha keçərli bir vəziyyətdir. Çünki tibbi mənada hamiləlik həftəsi hesablama təqvimi yaradılarkən edilən hesablamalar, ay –ay hamilləlik hesablaması formasında deyil, həftə hesabına görə edilir.

Neçə aylıq hamiləyəm?

Hamiləliyini yeni öyrənən ana namizədlərinin ilk olaraq ağlına "Neçə aylıq hamiləyəm?" sualı gəlir. Ana namizədləri hamiləlik hesablaması edərkən uşağın neçə aylıq olduğunu öyrənmək istəyər. Bu istiqamətdə olan bir sıra proqramlardan istifadə edirlər. Ancaq ginekoloqlar daha dəqiq hamiləlik nəzarətini yaratmaq məqsədilə həftə üzərindən hesablama edər. Yəni hamiləlik üçün tibbi hesablamalarda ay deyil həftə istifadə edilir.

Hamiləlik neçə həftə davam edər?

Zamanında bir hamiləlik, 40 həftə, 280 gün davam edər və bu ortalama 9 ay 10 günə təsadüf edər. Uşağın doğuş tarixi son adət tarixinin ilk günündən ortalama 40 həftə sonrası olur. Bu müddət hamiləliyin gedişatına görə, 2 həftə öncə ya da sonra ola bilər.

Hamiləlik hesablama cədvəli nədir?

Hamiləlik hesablama proseduru edilərkən ana namizədlərinin kömək ala biləcəyi bir hamiləlik hesablama cədvəli mövcuddur. Bu cədvəl həmçinin hamiləliyin neçənci həftəsini olduğunu bilən, ancaq neçənci ayında olduğunu bilməyən şəxslərə də kömək olmaqdadır.

Hamiləlik hesablama cədvəlinə görə:
4-5 həftəlik hamiləlik: 1 aylıq

8-9 həftəlik hamiləlik: 2 aylıq

12-13 həftəlik: 3 aylıq

16-17 həftəlik hamiləlik: 4 aylıq

20-21 həftəlik hamilləlik: 5 aylıq

24-25 həftəlik hamiləlik: 6 aylıq

28-29 həftəlik hamilləlik: 7 aylıq

32-33 həftəlik hamiləlik: 8 aylıq

36-37 həftəlik hamiləlik: 9 aylıq

40 həftənin son zamanı isə 9 ay 10 günlük hamiləlik müddətinə təsadüf edir.