Hamiləlikdə yüksək təzyiq

Yüksək təzyiqiniz varsa və bu vəziyyətdə hamilə qalan qadına xüsusi qulluq gərəklidir.

Hamiləlikdəki yüksək təzyiq nələrə yol açar?

Daha ətraflı məlumat üçün məqaləni sonadək oxuya bilərsiniz.

Hamilelik.az xəbər verir ki, yüksək qan təzyiqi, qan dövranını azalda bilər. Bu da uşağa gedən oksigen və qida miqdarının azalması deməkdir. Beləliklə böyüməsi yavaşlayacaq və erkən doğuş riski artacaqdır. Həmçinin yüksək təzyiq, plasentanın vaxtından öncə rəhmdən ayrılmasına və həyati təhlükəyə səbəb olacaq problemlərə yol aça bilər.

Hamiləlik əsnasında yaranan yüksək təzyiqə isə hamiləlik hipertoniyası deyilir. Doğuşdan sonra bu vəziyyət adətən düzəlir, ancaq gələcəkdə bu qadınlarda xroniki yüksək təzyiq riski çox olur.

Bəzən yüksək təzyiqlə bərabət sidikdə proteinin varlığı ciddi vəziyyətə səbəb ola bilər. Yüksək təzyiqi olan qadınların 25%-də inkişaf edir. Bunlarda əl və üzdə şişlik, ani çəki artışı, baş ağrısı, bulanıq görmə, baş gicəllənməsi, qarın ağrısı da görülür. Bu vəziyyətdə yataq istirahəti tövsiyə edilir.
Hamiləlikdə təzyiq dərmanları

Hər dərman uşağınıza təsir göstərə bilər. Bəzi təzyiq dərmanları hamiləlikdə güvənlə istifadə edərkən, bəzi təzyiq dərmanlarının istifadəsi riskli olacaqdır.

Ancaq müalicənin əhəmiyyətli olduğu unudulmamalıdır. Çünki yüksək təzyiq infarkt, insult və digər problemləri yaratma riski hamilə qaldığınızda da dəyişməyəcəyi kimi üstəlik bunlar uşağınız üçün təhlükəli ola bilər.

Qan təzyiqinizə nəzarət etmək üçün dərmana ehtiyac olarsa həkimin tövsiyə etdiyi dərmandan istifadə edə bilərsiniz.

Qeyd edək ki, əgər təzyiqiniz normal səviyyədə deyilsə ya da hamiləlikdə riskli olan dərmanları istifadə edə bilərsinizsə müalicədə dəyişiklik edilə bilər. Artıq çəkiniz varsa bunlardan da xilas ola bilərsiniz.

Hamiləlikdə yarana biləcək problemlərin qarşısını almaq üçün gərəkənlər:

Hamiləlik ərzində müayinələri zamanında etməyə çalışın

Təzyiq dərmanlarını həkiminizin tövsiyəsi ilə istifadə edin

Düzgün qidalanın

Vitamin qəbulunu axsatmayın

Tez-tez dincəlin

Mənfi vərdişlərdən uzaqlaşın

Yüngül idman hərəkətləri ilə məşğul olun.

Hamiləlikdəki yüksək təzyiqinin irəlidə yarada biləcəyi problemlər

Uşağınızın doğumuyla bərabər təzyiqiniz normala dönmüş belə olsa, hamiləlikdə yaranan yüksək təzyiq irəlidə ürək xəstəliyi, böyrək xəstəliyi və insult kimi riskləri artıracaqdır. Hamiləlikdə təzyiqi normal olan qadınlara görə insult inkişaf riski iki qatdır. Eyni qadında, 40 yaşından sonra yüksək təzyiqin inkişaf və infarkt keçirmə riski yüksəkdir. Ancaq qadınlardakı risk artışının səbəbi bəlli deyildir. Piylənmə də rol oyanaya bilər ya da hamiləlikdə inkişaf edən yüksək təzyiqin yaratdığı fiziki dəyişikliklər ola bilər.

Hamiləlikdə arterial təzyiq müxtəlif səbəblərdən qalxa bilər.

Bunlar nələrdir?

Hamiləlik toksikozu

Mövcud arteriyal təzyiq

Stress və sinir gərginlikləri

Böyrək xəstəlikləri

Diabet

Endokrin problemlər və s.

Yüksək təzyiq, uşağın inkişafdan qalmasına gətirib çıxara bilər. Bununla yanaşı daha böyük problemlər yarana bilər. Bu səbədən hamiləlik həkim tərəfindən yaxından izlənilməli və doğru müalicə planı tərtib edilməlidir.